23 МАЯ ДЕНЬ АПОСТОЛА СИМОНА ЗИЛОТА.

23 МАЯ ДЕНЬ АПОСТОЛА СИМОНА ЗИЛОТА.

 

23 мая День апостола Симона Зилота.

Святой апостол Симон Зилот — покровитель кладоискателей.

Кладоискательство, которое для многих из нас является любимым хобби, известно с древности, когда еще не было никаких металлодетекторов. Огромное количество примет, поверий и сказаний связано с кладами и кладоискательством.

Несмотря на то, что в наше время оно приобрело новые оттенки, есть вещи, которые пришли к нам из глубины веков и остаются незыблемыми и традиционными. Перенесемся в 1 век нашей эры, в один из примечательнейших периодов мировой истории, связанный с земной жизнью Иисуса Христа. Дни отрочества и юности Христос провел в Галилее, в небольшом городке Назарете. Но вот наступило время Его служения роду человеческому, и Христос идет в Иудею, где принимает крещение от Иоанна, совершает сорокадневный пост и призывает первых учеников. После этого Господь снова вернулся в Галилею. На третий день случился «Брак в Канне Галилейской» — свадьба в небольшом городке близ Назарета. По родству или знакомству на свадьбе присутствовала Богоматерь, были приглашен Иисус и его ученики.

Новобрачные были, вероятно, небогаты, и скоро обнаружился недостаток в вине. Иисус попросил слуг наполнить водой стоявшие тут же шесть каменных сосудов. «Теперь почерпните, — сказал Господь, — и несите к распорядителю пира». Распорядитель отведал воды, которая уже сделалась вином, и удивился, зачем так долго берегли столь прекрасное вино, о чем и не замедлил сказать жениху. Тут для всех открылось, какое чудо совершил Христос — первое Господне чудо. Ученики увидели божественное могущество своего Учителя и уверовали в Него как в посланника Божия. Уверовал во Христа и жених по имени Симон. Он оставил невесту, дом и всю мирскую суету и последовал за Христом. Как один из самых ревностных учеников Христовых Симон был избран в число двенадцати апостолов.

Симон имел два прозвания — Кананит и Зилот. Первое он получил по своему происхождению из галилейского города Каны. Прозвание Зилот означает «ревнитель» — Симон разгорелся такой ревностной любовью к Христу, что все покинул для Него и пошел за Господом. Пo вознесении Христа апостол Симон прошел с проповедью Слова Божия Мавританию и Африку. Потом побывал в Британии, Египте и Персии. Всюду он проповедовал святое Евангелие с той же пламенной ревностью, с какой оставил мирскую суету.

Жизнь свою Симон окончил страданием во имя Христово. По настоянию языческих жрецов в Персии святой апостол Симон был распилен пополам. Другое предание гласит, что Симон Зилот был распят в Абхазии. Это случилось 23 мая (10 мая старого стиля), и в этот день Церковь совершает празднование в честь апостола Симона. Но причем здесь покровительство кладоискателям? — спросите вы. Идем дальше!

До принятия христианства восточные славяне были язычниками, у них не было единого Бога. Но ни одно событие славянской жизни не проходило без участия божества или почитаемых людьми того времени великих стихий.

День Симона Зилота совпал с одним из очень древних языческих праздников, когда особенно чтятся языческие божества Белее и Макошь — земные заступники, а волхвы выходят в поле, ложатся на траву и слушают Землю. Она же в этот день вызывала особое поклонение как Матерь-Сырая-Земля, считавшаяся в этот день именинницей. Отсюда и второе название этого праздника — Земля-именинница. В народе в этот день водили «Зилотовы хороводы», а также совершали обряды освящения, гадали и славословили Землю. Освященную горсть Земли собирали в мешочки и хранили как обереги. Праздник завершался пиром и игрищами.

По древнему поверью, в день именин Земли ее нельзя было пахать и боронить. На Тамбовщи-не рассуждали: «Нынче день Симона-Гулимона, лентяя преподобного». Там же, где этого не знали, говорили: «Сей пшеницу на Симона Зилота — родится, аки золото». Ещё одно поверье, связанное с этим праздником, гласит, что весной все клады «просушиваются», проступают и над ними горят блуждающие огни. Основным обычаем дня Симона Зилота всегда считался поиск кладов, к сожеланию, тогда еще без металлодетекторов. В народе полагали, что между словами Зилот и золото есть какая-то связь. Поэтому Симон Зилот считался в народе покровителем кладоискателей и к нему обращались с молитвой, прося помощи в отыскании кладов.

Другой обычай — в этот день ходили по лесам и полянам, собирая разные травы, коренья, которым приписывали особенную целебную силу. А прозвание Зилот якобы происходит от слова «зелье». Можно предполагать, что два этих обычая связаны с народной этимологией: непонятное имя Зилот вполне могло ассоциироваться в народном представлении со словами «золото» и, как уже упоминалось, «зелье». Я давно хотел найти для себя святыню, связанную с моим кладоиска-тельским хобби. И такой случай мне действительно представился! В феврале этого года, будучи на Святой Земле, я купил небольшую икону апостола Симона Зилота и теперь надеюсь, что святой обязательно выступит покровителем в отыскании моего самого заветного клада. Конечно, металлоискатель купил намного раньше. Ну а 23 мая (10 мая ст. ст.), день памяти апостола Симона Зилота, думаю, можно по праву признать и днем кладоискателя.

23 мая День апостола Симона Зилота.

АпостолуСимонуЗилотуособенно молятся о счастье в браке и о покровительстве семейному очагу.

Тропарь, глас 3

Апостоле святый Симоне, моли Милостиваго Бога, да прегрешений оставление подаст душам нашим.

Кондак, глас 2

Известно премудрости учения в душах благочествующих положшаго во хвалении ублажим, яко богоглаголиваго, вси Симона: Престолу бо славы ныне предстоит и со Безплотными веселится, моляся непрестанно о всех нас.

Кондак 1

Избранный Апостоле Христов и благовестниче, мрежею проповеди твоея уловивый во спасение многия души человеческия и ко Христу приведый идолослужением помраченныя люди, Симоне блаженне, в песнех восхваляем тя с любовию и молим ти ся прилежно: яко имеяй дерзновение ко Господу, молися Ему выну за ны грешныя и молитвами твоими от всяких нас бед свобождай, да зовем ти: Радуйся, Симоне, Апостоле Христов и молитвенниче о душах наших.

Икос 1

Ангелов Творец и Владыка, Христос Бог, спасти хотя падшее человечество, в плоть нашу облечеся и с человеки поживе, в Кану же Галилейскую на брак в дом твой прииде, Симоне прехвальне, вкупе с Пречистою Своею Материю, Девою Богородицею, Еяже умолением матерним начаток чудес Своих в доме твоем яви, воду в вино на браце твоем чудесно претворив и сим показав Божества Своего силу. Темже тебе, сице облагодатствованному посещением и благоволением Богочеловека, яко Боговидцу и ученику Его избранному, со умилением сице вопием:

Радуйся, женише прекрасный, от брака земнаго на брак Агнчий чудесно призванный.

Радуйся, на небеси и на земли прославленный.

Радуйся, воплощшемуся Богу Слову верно послуживый.

Радуйся, в проповедании Евангелия правды ревность велию явивый.

Радуйся, Пресладкаго Господа Иисуса всем сердцем твоим возлюбивый.

Радуйся, обручницу земную оставивый и во след Его потекий.

Радуйся, Симоне, Апостоле Христов и молитвенниче о душах наших.

Кондак 2

Видев чудеса Христовы, Симоне преславне, верно последовал еси во плоти явльшемуся Богу, от Негоже возлюблен был еси и к лику избранных дванадесяти Апостол Его сопричтен был еси, якоже ревнитель славы Его, наименование новое Зилота, си есть ревнителя, получил еси. Сию ревность о славе Божией испроси и нам, учениче Спасов, да купно с тобою сподобимся пети Христу: Аллилуиа.

Икос 2

Разум небесный тебе свыше дадеся, Симоне богомудре, темже внимая Божественным словесем Христа Бога, слагал еси я в сердце твое, и, яко земля добрая, плод сторичен принесл еси Ему учения Евангельскаго благодать, еюже озарил еси во спасение мира концы, и, яко богопроповедник душеспасительный, слышиши от нас песни таковыя:

Радуйся, иго Христово, благое и легкое, на рамо твое восприемый.

Радуйся, примером твоим святым вся ны к последованию Христову привлекаяй.

Радуйся, ревности тезоименитый ревнителю о славе Божией.

Радуйся, теплейший любителю Господа Иисуса.

Радуйся, дивный наставниче к Нему ищущих спасення.

Радуйся, немолчный благовестниче Евангельскаго душеспасительнаго учения.

Радуйся, Симоне, Апостоле Христов и молитвенниче о душах наших.

Кондак 3

Сила Божия осени тя, Апостоле Христов Симоне, егда во след ходил еси Христа Господа, обходя с Ним Иудею и Галилею, внимая учению Его Божественному и созерцая превелия Его чудеса. Темже и Христос, яко верному Своему последователю и ученику, дарова ти власть и силу недуги исцеляти, болезни врачевати и духи нечистыя прогоняти, да вси славят силу Его, в тебе явленную, и поют Ему хвалебную песнь: Аллилуиа.

Икос 3

Имел еси едино попечение, Симоне всеблаженне, еже верно служити и благоугождати Христу Богу, во плоти явльшуся на спасение человеческое, Егоже спутник и самовидец сподобился еси быти и от уст Его Божественных почерпнул еси превелию учения небеснаго благодать, о нейже дивящеся, сице тебе глаголем:

Радуйся, всерадостный нам проповедниче Евангелия правды.

Радуйся, деннице, возвестившая нам Солнце невечернее.

Радуйся, самовидче и слуго воплощеннаго Бога.

Радуйся, странствия Владычня и безсмертныя Его трапезы сопричастниче.

Радуйся, избранный и верный Христов учениче.

Радуйся, друже Его присный, до конца дружество твое к Нему сохранивый.

Радуйся, Симоне, Апостоле Христов и молитвенниче о душах наших.

Кондак 4

Буря ярости иудейския пригвозди ко Кресту Христа Бога, волею пострадати за вся люди изволившаго, но не поколеба веры и упования твоего, Симоне блаженне, яко Той есть Спаситель мира, древле прореченный пророки во искупление падшаго человечества. Темже, яко Владыце и Богу, верно воспевал еси Ему хвалебную песнь: Аллилуиа.

Икос 4

Слышав Божественный глас Христа Жизнодавца, тридневно воскресшаго от мертвых, и дверем затворенным вшедшаго ко учеником Своим, и «Мир вам!» рекшаго, Симоне богоносне, зело возрадовался еси, и Тому, яко Богу, благоговейно поклонился еси, всем же потом возвещал еси немолчно непреложную истину Его воскресения. О сем и мы хвалебно тебе зовем:

Радуйся, мир Христов достойно приемый в непорочный сосуд души твоея.

Радуйся, миром тем мира концы умиротворивый благодатно.

Радуйся, древния вражды идолослужительныя потребителю.

Радуйся, истины воскресения Христова очевидный и громогласный свидетелю.

Радуйся, дверем затворенным дивно прошедшаго Христа созерцателю.

Радуйся, пребожественнаго и радостотворнаго гласа Его слышателю.

Радуйся, Симоне, Апостоле Христов и молитвенниче о душах наших.

Кондак 5

Боготечное на небо вознесение Христово видев и Духа Святаго, от Него низпосланнаго во огненных языцех, сопричастник быв, Симоне прехвальне, духоносец божественный соделался еси и, облеченный силою свыше, потекл еси на проповедь Евангельскую во Иудею, Сирию, Египет, Мавританию, Испанию, Британию, Персиду, Иверию и Армению, возвещая людем, во мраце неверия бывшим, свет Христа Бога спасительный и веру в Него правую, и всех приводя звати Ему: Аллилуиа.

Икос 5

Видевши тя, Апостоле Христов, Пречистая Богородица, от дальных стран на облаце приспевшаго ко пречестному Ея успению, возрадовася радостию святою и сподоби тя Своея беседы и благословения предсмертнаго; ты же о коликия радости исполнился еси, созерцая Сына Ея и Бога, со святыми Ангелы к Ней пришедшаго и святую душу Ея в руце Свои приемшаго. Сию радость твою и мы, благоговейно воспоминающе, от любве усердныя возглашаем ти сия всерадостныя глаголы:

Радуйся, небошественный учениче Спасов, на погребение Матере Господни на облаце чудесно принесенный.

Радуйся, Христа, в руце Свои душу Матере Своея приемшаго, созерцавый.

Радуйся, погребению Пречистыя Богоматере достойно послуживый.

Радуйся, вознесенную с телом горе Богородицу уразумевый.

Радуйся, погребальныя пелены и праздный гроб Ея в Гефсимании видевый.

Радуйся, в видении светозарнем со святыми Ангелы пришедшую Владычицу мира зрети сподобивыйся.

Радуйся, Симоне, Апостоле Христов и молитвенниче о душах наших.

Кондак 6

Проповедник богоглаголивый явился еси, Апостоле Христов Симоне, в странах диких, и людем зверонравным возвещал еси Евангелие Христово, кротостию и незлобием твоим препобеждая тех лютость и из волков дивиих претворяя их в агнцы Христовы, иже и научишася тобою пети Триединому Богу ангельскую песнь: Аллилуиа.

Икос 6

Возсиял еси, учениче Спасов, яко светильник лучезарный, в странах неверных и, яко боготечное светило, обтекл еси восток и запад, возвещая людем спасительную веру во Христа Иисуса, Иже внушает нам благохвалити тя, богопроповедника божественнаго, похвалами сими:

Радуйся, от востока востекий и запад просветивый светом Христовым.

Радуйся, Африку и Испанию огласивый учением Евангельским.

Радуйся, бритян суровость укротивый кротостию Иисусовою.

Радуйся, Армению и Иверию приведый к познанию Сына Божия.

Радуйся, персов и мидов убедивый веровати во Христа Бога.

Радуйся, неутомимо трудивыйся во благовестии Христове.

Радуйся, Симоне, Апостоле Христов и молитвенниче о душах наших.

Кондак 7

Хотение усердное имел еси, Апостоле Христов, еже мученически пострадати за имя Христово и кровию твоею запечатлети божественную истину проповеди твоея Евангельския, еже Господь устрояя, приведе тя во Иверии от неверных лазов на кресте распяту быти и мученически скончатися. Таковую страдальческую христоподобную кончину твою воспоминающе, почитаем болезни и труды твоя и поем Богу: Аллилуиа.

Икос 7

Новаго Ноя, начальника ковчега душеспасительнаго веры Христовы во Иверии, познаем тя быти, Симоне богоглаголиве, и яко основателя и краеугольнаго камня Церкве Иверския тя почитаем, место же погребения твоего с любовию чтим, яко освященное кровию твоею и мощей твоих почиванием, от негоже дары целебныя источаеши верным и привлекаеши звати тебе:

Радуйся, Иверии хранителю неотступный.

Радуйся, Пицунды покровителю Богом данный.

Радуйся, храм твой в пустыни чудесно сохранивый от конечнаго разрушения.

Радуйся, гроб твой честный нам даровавый во утешение.

Радуйся, место подвигов твоих и страданий обновивый обителию иноческою во имя твое.

Радуйся, от святаго Афона подвижники поста и молитвы в ню преселивый предивно.

Радуйся, Симоне, Апостоле Христов и молитвенниче о душах наших.

Кондак 8

Странствие земное совершив, Апостоле Спасов, преселился еси от земли к обителем Небесным, на земли же чудес лучами сияеши и просвещаеши души верных, иже по Бозе молитвенно к тебе прибегают и почитают святую твою память, юже и мы благоговейно чтуще, поем прославльшему тя Богу песнь: Аллилуиа.

Икос 8

Вся церковь Иверская почитает тя, Апостоле Симоне, яко основателя своего и покровителя, назидавшаго ю на основании незыблемом веры Христовы и оросившаго ю к плодоносию духовному честною твоею кровию, от неяже дивно прозябоша в ней сонмы святых, торжествующих ныне вкупе с тобою на небе. Темже и мы, на земли, блажим твоя подвиги и сице тебе зовем:

Радуйся, благий и милостивый утешителю скорбящих.

Радуйся, скоропредстательный помощниче бедствующих.

Радуйся, велие дерзновение стяжавый ко Христу Богу, яко друг Его искренний.

Радуйся, приемый от Него власть на духи нечистыя.

Радуйся, обители твоея святыя славо и похвало.

Радуйся, подвизающимся в ней ходатаю вечнаго спасения.

Радуйся, Симоне, Апостоле Христов и молитвенниче о душах наших.

Кондак 9

Всему миру судити имаши, Апостоле Спасов, седяй на престоле высоце и превознесенне, егда Христос Господь со славою приидет сотворити суд Свой праведный; тогда, святе, умоли Его благость помиловати нас и не осудити в погибель вечную, но сподобити со святыми пети Ему: Аллилуиа.

Икос 9

Витийство человеческое не довлеет к достойному прославлению твоих подвигов и чудес, Симоне прехвальне, обаче приими, учениче Спасов, благоутробно и милостиво сия малыя наша и нехитростныя песни, в похвалу тебе приносимыя с верою и любовию, и услыши вопиющих ти сице:

Радуйся, от востока и до запада хвалимый и славимый.

Радуйся, Иверскую страну кончиною твоею освятивый.

Радуйся, яко лозу благоплодную, в ней Нину равноапостольную духовно возрастивый.

Радуйся, сонмы святых от недр ея Христу плодопринесый.

Радуйся, горы и удолия ея подвижниками благочестия прославивый.

Радуйся, яко отец со чады, со святыми Иверскими в обителех райских торжествуяй.

Радуйся, Симоне, Апостоле Христов и молитвенниче о душах наших.

Кондак 10

Спасения залог, святую Православную веру, унаследовахом от тебе, Апостоле Христов Симоне, темже молим тя: от всяких ересей и расколов соблюди нас, чад твоих, молитвенным предстательством твоим к Богу, и помози нам в Православии непоколебимом пребыти до конца дней наших и верно пети Богу: Аллилуиа.

Икос 10

Царя Небеснаго Христа избранный учениче, Симоне блаженне, помолися Ему за ны, грешныя, да ревность твоя боголюбезная о хранении закона Его даруется и нам, недостойным, во еже быти нам готовыми на подвиги доброделания христианскаго и на исповедание Православныя нашея веры не словесы токмо, но и делы, и явитися чадами твоими не по имени токмо, но самою истиною. О сем тя молим и зовем:

Радуйся, звездо пресветлая, всех путеводящая к солнцу правды Христову.

Радуйся, свеще неугасимая, в молитвах присногорящая у Престола Господа Славы.

Радуйся, столпе непоколебимый святыя Христовы Церкве.

Радуйся, фиале златый, изливаяй струи нам целебныя.

Радуйся, приемый от Христа власть вязати и решити.

Радуйся, получивый от Него благодатныя дары Духа Святаго.

Радуйся, Симоне, Апостоле Христов и молитвенниче о душах наших.

Кондак 11

Пение Пресвятей Троице горе приносиши со всеми святыми, Симоне прехвальне, и от небесных высот отечески приникаеши на место подвигов и страданий твоих на земли, молитвами твоими помогая всем верно чтущим святую память твою и поющим о тебе песнь Богу: Аллилуиа.

Икос 11

Светоподательный светильник Трисолнечнаго Света являешися верным, Апостоле Христов Симоне, и всех нас невидимо озаряеши на пути доброделания христианскаго, да не падем в сеть врага, диавола, но невредимы пребудем от всех его ловлений лукавых и тако неосужденно возможем вопити тебе:

Радуйся, пастырю добрый словеснаго стада Христова.

Радуйся, не попускаяй волку душегубительному расхитити духовную паству твою.

Радуйся, мрежею проповеди твоея мира концы уловивый во спасение.

Радуйся, и ныне способствуяй нашему спасению молитвами твоими.

Радуйся, архитектоне премудрый Церкве Христовы.

Радуйся, каменю краеугольный ея основания.

Радуйся, Симоне, Апостоле Христов и молитвенниче о душах наших.

Кондак 12

Благодать и милость испроси нам у Господа, Симоне богоносне, Апостоле Спасов, яко стяжавый велие к Нему дерзновение, наипаче проси нам у Него покаяния во гресех и исправления жития нашего, да будет оно преисполнено добродетелей христианских, во еже возмощи нам еще на земли достойно пети Создателю нашему небесную песнь: Аллилуиа.

Икос 12

Поюще болезни и труды твоя, Апостоле Спасов, имиже трудился еси во благовестии Христове, почитаем святую и приснославную память твою, яже облагоухает нас духовно и услаждает души наша: миро бо воистину явишася пред Богом поты твоя и капли крове страдальческия, за Христа излиянныя тобою, святый наш предстателю. Темже и зовем тебе:

Радуйся, Пресвятыя Живоначальныя Троицы верный проповедниче.

Радуйся, Ангельских ликов достойный собеседниче.

Радуйся, Апостолов красото и основание.

Радуйся, человеческаго рода возвышение.

Радуйся, врачу безмездный недугов душевных и телесных.

Радуйся, по Бозе и Пресвятей Богородице непостыдное наше упование.

Радуйся, Симоне, Апостоле Христов и молитвенниче о душах наших.

Кондак 13

О святый славный и всехвальный Апостоле Христов Симоне, ревнителю закона Божия и многомощный наш предстателю! Приими малое сие молебное пение, в похвалу тебе приносимое, и умоли Спаса Христа избавити нас муки вечныя и сподобити радости святых, да с ними поем Ему во веки: Аллилуиа.

(Этот кондак читается трижды,затем икос 1 и кондак 1).

Молитва:

Святый славный и всехвальный Апостоле Христов Симоне, сподобивыйся прияти в дом твой в Кане Галилейстей Господа нашего Иисуса Христа и Его Пречистую Матерь, Владычицу нашу Богородицу, и очевидцем быти преславнаго чудесе Христова, на браце твоем явленнаго — претворения воды в вино! Молим тя с верою и любовию: умоли Христа Господа претворити души наша из грехолюбивых в боголюбивыя; сохрани и соблюди нас молитвами твоими от искушений диавольских и падений греховных и испроси нам свыше помощь во время уныния и беспомощия нашего, да не преткнемся о камень соблазна, но неуклонно шествуем спасительным путем заповедей Христовых, дондеже достигнем оных блаженных обителей райских, идеже ты ныне водворяешися и веселишися. Ей, Апостоле Спасов! Не посрами нас, крепце на тя уповающих, но буди вам помощник и покровитель во всем житии нашем и помози нам благочестно и богоугодно житие сие временное скончати, благую и мирную христианскую кончину получити и добраго ответа сподобитися на Страшнем Суде Христове, да избежавше мытарств воздушных и власти лютаго миродержца, унаследуем Царство Небесное и прославим великолепное имя Отца и Сына и Святаго Духа, во веки веков. Аминь.

Святой апостол Симон Зилот. Галерея икон Щигры

Источник →

Добавить комментарий

Ваш e-mail не будет опубликован. Обязательные поля помечены *